Dımash Qudaıbergenniń Astanadaǵy kontsertine bıletter satyla bastaıdy

ASTANA. QazAqparat - Dımash Qudaıbergenniń Astanada ótetin «Arnau» atty kontsertine bıletter 18 naýryzdan bastap satyla bastaıdy. Bul týraly QazAqparat «Qazaqstan» teleradıokorporatsııasynyń baspasóz qyzmetine silteme jasap habarlaıdy.

Bıletterdi satý boıynsha bas operator - www.zakazbiletov.kz. Sondaı-aq, bıletter www.biletiastana.kz saıtynda da qoljetimdi bolady.

Odan basqa, bıletterdi Astana qalasy boıynsha: Kerýen, Azııa Park, Han Shatyr, Evrazııa, Kerýen Sıtı, Mechta saýda ortalyqtarynyń, «Qazaqstan» OKZ, Saryarqa velotregindegi Gazenerdjı ajs, Kongres holl jáne Jastar saraıynyń kassalarynan satyp alýǵa bolady.

Qazaqstannyń basqa qalalary men shet elderde bıletterdi online- satylym arqyly ǵana alý múmkindigi bar. Qazaqstan boıynsha Qiwi koshelek, Kaspi Bank, Visa jáne Mastercard tólem kartalary arqyly satyp alýǵa bolady. Basqa elderde bıletter tek Visa jáne Mastercard. tólem kartalary arqyly ǵana qoljetimdi.

Jankúıerlerdi eskere otyryp jáne bıletterdiń satylymyn baqylaý maqsatynda, bıletterdi 2-shi kezeńde satyp alýǵa múmkindik bolady. ıAǵnı, bılet satyla bastaǵan soń, birinshi kezeńde bılet alýǵa úlgere almaǵandar, teń múmkindikti paıdalanyp, 2-shi kezeńde barlyq sektorlardan bılet ala alady.

Aıta keteıik, buǵan deıin Dımashtyń Astanadaǵy kontsertiniń ótetin kúni belgilengenin jazǵan bolatynbyz.