Dımash Qudaıbergenniń anasy Aqtóbedegi bas shyrshany jaqty
AQTÓBE. QazAqparat - Dımash Qudaıbergenniń anasy Sveta Aıtbaeva men mánerlep syrǵanaýdan halyqaralyq týrnırdiń júldegeri Darıa Vdovına, Hokkeıden jastar komandasynyń kapıtany Nıkıta Belashev Aqtóbedegi bas shyrshany jaqty, dep habarlaıdy QazAqparat tilshisi.
Aqtóbe oblysy ákimdigi alańynda bas shyrsha jaǵyldy. Bul joly shyrsha shamdaryn QR eńbek sińirgen qaıratkeri, ánshi Dımash Qudaıbergenniń anasy Svetlana Aıtbaeva, mánerlep syrǵanaýdan halyqaralyq týrnırdiń júldegeri Darıa Vdovına, Hokkeıden jastar komandasynyń kapıtany Nıkıta Belashev jaqty. Aqtóbe qalasy boıynsha bir kúnde tórt shyrsha jaǵylyp, halyqqa merekelik kóńil-kúı syılady. Sharaǵa oblys ákimi Berdibek Saparbaev pen qala turǵyndary qatysyp, teatrlandyrylǵan kórinisti tamashalady.
Oblys ákiminiń baspasóz qyzmetiniń habarlaýynsha, Aqtóbe oblysy ortalyǵynda 50-den astam shyrsha ornatyldy. Arbatta shaǵyn muz qalashyǵy bar. Sonymen qatar, Aqtóbe qalasynda 48 muz aıdyny jumys istep tur. Jańa jyldyq erteńgilikter ár aýdan, aýylda uıymdastyrylyp, 80 myńnan astam balany qamtý josparda bar. Mereke qarsańynda aýyl sharýashylyǵy jármeńkesi de uıymdastyrylady
