Dımash Qudaıbergendi júzdegen qytaılyq jankúıer áýejaıdan kútip aldy
Bul joly beınejazbany ánshiniń ózi ornalastyrdy, dep habarlaıdy QazAqparat.
« Ártistiń eń úlken baqyty... Áýejaıdan kútip alý...Pekın jáne Chandý qalalary...», - dep jazdy Dımash Instagramdaǵy óz paraqshasyna.
Vıdeodan otandasymyzdy Qytaı áýejaıynan júzdegen jankúıer kútip alyp turǵanyn kórýge bolady.
Buǵan deıin Sina Weibo áleýmettik jelisinde Dımashtyń qytaılyq jankúıer qyzdardan qashyp bara jatqan vıdeosy jarııalanǵan bolatyn. Beınejazba Dımashtyń kezekti túsirilimge barǵan kezdegi, Shańsha qalasynyń áýejaıynda túsirildi.
Onda, óziniń kelýin asyǵa kútken jankúıerlerdiń kóptiginen sasqan Dımashtyń qasha jónelgenin baıqaýǵa bolady. Alaıda fanattary ony alysqa jibermedi. Qashyp qutylmasyn bilgen ol jyly jymıyp, sýretke túsýge májbúr boldy.
QR Mádenıet jáne sport mınıstri Arystanbek Muhamedıuly vedomstvonyń alqa májilisinde qazaqstandyq ánshiniń álem boıynsha jankúıerleri sany 2 mlrd adamǵa jetkenin aıtqan bolatyn.
«Dımash Qudaıbergen mınıstrliktiń qoldaýymen 2016 jyly «Slavıan bazary» halyqaralyq konkýrsyna qatysyp, bas júldeni jeńip aldy. Qazirgi tańda ol Qytaıdaǵy «Singer» kásibı oryndaýshylar baıqaýynda joǵary deńgeıde óner kórsetýde. Atap ótý kerek, Dımashtyń qatysýymen konkýrstyń kórsetilimi 2 mlrd kórermennen asýda. Demek, olar - Aıman Musaqojaeva basqaryp otyrǵan Ulttyq óner ýnıversıteti 3 kýrs stýdentiniń jankúıerleri bolyp tabylady. Bul, Memleket basshysy atap ótkendeı, ımıdjdik jobalar, ıaǵnı sport pen mádenıet arqyly Qazaqstannyń jetistigin álemge pash etýimiz kerek», - dedi mınıstr.
Al aqpan aıynyń basynda Dımash Qytaı juldyzdarynyń reıtınginde kósh bastady.
Ártistiń eń úlken baqyty... Áýejaıdan kútip alý...Pekın jáne Chandý qalalary... 🎤 #DQ #TheSingerDimash #Dimash #Dears
