Dımash Qudaıbergendi álemge tanytqan «The Singer» jobasynyń gala kontserti ótti
ASTANA. QazAqparat - Dımash Qudaıbergendi álemge tanytqan «The Singer» jobasynyń gala kontserti ótti. Bul jóninde Qytaıdyń Hýnan telearnasynyń «Singer 2017» án baıqaýynyń aqtyq básekesinde óner kórsetip, ekinshi oryndy jeńip alǵan Dımash Qudaıbergen óziniń ınstagram paraqshasynda jarııalady, dep habarlaıdy QazAqparat tilshisi.
Ánshi júregindegi sezimin, yqylasyn óz paraqshasynda kelesideı bildirdi.
«Búgin «The Singer» jobasynyń gala kontserti ótip, «Mahabbat ber maǵan» ániniń tusaýy kesildi! Osymen 3-4 aı efır, odan burynǵy daıyndyqtyń bári artta qaldy!... Ras aıtamyn, osy saxnany qazirdiń ózinde saǵynyp otyrmyn...
Bul jobadan úırengenim kóp boldy! Qyzyǵy men qıyndyǵy qatar júrgen kúnderde maǵan qoldaý bildirgen barshaǵa myń raxmet! #The Singer jobasynyń barlyq uıymdastyrýshylaryna #HunanTV raxmet, jeke Hýan Tao men Hýn Sıao myrzaǵa, barlyq meniń komandama raxmet, jeke Ne Sıen myrza, Djong Eng, Shokolardyń orny erekshe, Laýra Sheng xanymǵa, sonaý Oraldan apta saıyn aranjırovka daıyndaýda qoldaý kórsetken Erlan Bekchýrın dosyma "Batys Sound Studio", aqtóbelik Baqytbek Zeınelov "DımashAlı stýdıo", almatylyq Samal Ermaxanovqa "Ulyqpan Joldasov stýdııasy", atyraýlyq Baýyrjan Aqtaev, Áıgerim Nabıeva, Kıd myrzaǵa, aýdarma qyzmetimen kómektesken Erzat, Ertaı, Dýman baýyrlaryma, baǵdarlama barysynda kópshilikke meni xabarlap júrgizýshilik qyzmet atqarǵan Araı baýyryma, meniń stılimmen aınalysqan Dýdý, Sıao Sıao xanymdar men Chı myrzaǵa alǵys bildiremin!!! Ár bireýińizdiń men úshin oryndaryńyz erekshe!!! Úlken eńbektiń artynda Úlken adamdar turady! Sizderdeı kásibı mamandarmen tanys bolǵanyma, jumys atqarǵanyma ózimdi baqytty sezinemin!!! Qushaqtadym bárińizdi!!! Eń bastysy ár sátte menimen birge bolǵan Dears-tarym senderdiń oryndaryn erekshe!!! Jaqsy kórem Sizderdi!!! Alpamys seniń ornyn bólek! Sendeı Jan Dosym-baýyrym baryna Allaǵa myń da bir shúkir!!!!»
Aıta keteıik, Dımash Qudaıbergenniń aldaǵy jospary aýqymdy. 27 maýsymda ol Astana tórinde kontsertin beredi dep josparlanýda. Jáne ol osy keshte álemdik juldyz Lara Fabıanmen birge án shyrqaıdy.
