Dımash Qudaıbergendi Aqtóbede HQKO-da qalaı qabyl aldy?
ASTANA. QazAqparat - Tanymal qazaqstandyq ánshi Dımash Qudaıbergen Aqtóbede HQKO-ǵa baryp, shetelge shyǵý úshin pasport rásimdetti. Sondaı-aq, ol onda óz jankúıerlerine qoltańba taratty, dep habarlaıdy QazAqparat.
«Búgin Aqtóbedegi №1 HQKO kúndelikti jumysyn munda álemdik deńgeıdegi juldyz - Dımash Qudaıbergenniń kelý buzdy. HQKO-ǵa kelgen adamdar men osy jerdiń qyzmetkerleri ánshiden qoltańba alyp, estelikke sýretke tústi», - dep jazdy Feısbýktegi paraqshasynda «Azamattarǵa arnalǵan úkimet» memlekettik korporatsııasy Qoǵammen baılanys departamentiniń basshysy Murat Jumanbaı.
Ol Dımashtyń shetelge shyǵý úshin pasport rásimdeýge kelgenin atap ótti.
Eske sala keteıik, qazaqstandyq ánshi álemdi sharlap kontsert berip júr. Dımash Qytaıda ótken «Singer-2017» shoýynan keıin tanymal bolǵan edi.
