Dımash Qudaıbergendi jankúıerleri Nıý-Iorkte qoshemet kórsetip qarsy aldy
NЬıÝ-IORK. KAZINFORM – 1 qazan kúni Nıý-Iorktegi Kennedı halyqaralyq áýejaıy Qazaqstan jáne Qyrǵyzstannyń halyq ártisi Dımash Qudaıbergendi qarsy aldy. Bul týraly Dimashnews aqparattyq portaly habarlady.
Sándi ulttyq stıldegi kıim kıip, qoldaryna jalaýshalar, beıdjder men bannerler ustaǵan Dımashtyń jankúıerleri súıikti ártisin áýejaıda úlken yqylaspen qarsy aldy.
Kezdesýdi taǵatsyzdana kútken Dears qaýymy Dımashtyń ánderin qosyla shyrqap, bıylǵy jazdyń hıti «Taý ishinde» ánin hormen oryndady.
Ártis jankúıerlermen emen-jarqyn tildesip, qoltańba berip, birge estelik sýretterge túsip, olarmen birge ataqty «Besame Mucho» ánin shyrqady.
Dımashtyń kópten kútken «Stranger» atty jeke kontserti Nıý-Iorktiń ańyzǵa aınalǵan sahnasy — Madison Square Garden-de 5 qazan kúni ótedi.
Aıta ketelik Dımash aldaǵy josparymen tanystyrǵan edi.