Dımash Qudaıbergen jankúıerlerine alǵys aıtty
ASTANA. KAZINFORM — Ánshi Dımash Qudaıbergen 7 naýryz kúni tyńdarmandaryna jol tartqan jańa týyndysynyń qaralamy kóbeıip jatqanyna baılanysty alǵys bildirdi.
— Jańa beınebaıanyma qoldaý kórsetken barsha jankúıerlerime alǵys aıtqym keledi. Pikirlerge qaraǵanda, meniń sheteldik tyńdarmandarymnyń belsendiliginiń arqasynda jańa beınebaıanymyzdyń taralymy men qaralymy kóbeıip jatyr, — dep jazdy ol áleýmettik jelidegi paraqshasyna.
Sondaı-aq, jaqyn arada beınebaıannyń ekinshi bólimin aıaqtaıtynyn aıtty.
— Jaqyn dostaryma @llightproduction jasaǵan jumystaryńyz úshin alǵysymdy aıtamyn, — dedi Dımash.
Eske sala keteıik, buǵan deıin Dımash Qudaıbergen álemge áıgili kompozıtormen jazǵan alǵashqy týyndysyn kópshilikke usynǵan bolatyn. Bul — Gremmı syılyǵynyń eki dúrkin ıegeri, álemge áıgili prodıýser ári kompozıtor Ýolter Afanasevpen alǵashqy týyndysy bolatyn.