Dımash Qudaıbergen Vetnamdaǵy mýzykalyq festıvalde án shyrqaıdy
ASTANA. KAZINFORM – 2025 jyldyń 6 jeltoqsanynda Qazaqstannyń halyq artısi Dımash Qudaıbergen Vetnamnyń 8WONDER Winter 2025: Symphony of Stars atty eń iri mádenı festıvalinde óner kórsetedi.
DimashNews saıtynyń málimetinshe, 8Wonder Winter 2025 – Symphony of Stars mýzykalyq festıvalder serııasynyń besinshi maýsymyn ashady.
Hanoı halyqaralyq kórme ortalyǵynyń sahnasynda geografııalyq shekaralardy eńserip, mýzykanyń ortaq tili arqyly mádenıetterdi toǵystyrǵan álemdik jáne vetnamdyq juldyzdar óner kórsetedi.
Olardyń qatarynda:
Alısha Kız – 17 «Gremmı» syılyǵynyń ıegeri, álemge áıgili mýzykalyq ıkona;
Van Maı Hyong – Vetnam jurtshylyǵynyń súıikti ballada oryndaýshysy;
Dımash Qudaıbergen – búkil álem tyńdarmandaryn tańdandyrǵan erekshe dıapazon ıesi, ǵalamat daýysty ánshi;
Aespa – jýyrda «Rich Man» mını-albomyn shyǵarǵan mýzyka men tehnologııanyń toǵysyn beıneleıtin 4-býynnyń úzdik K-pop toby;
HIEUTHUHAI – mıllıondaǵan qaralym jınaǵan rep-oryndaýshy, «Anh trai Say Hi» shoýynyń jeńimpazy;
MAYDAYS – «Phép Màu» atty hıtymen tanylǵan ındı-mýzykadaǵy jarqyn jańa esim.
Festıvalge arnalǵan bıletterdiń satylymy 24 qazannan bastalady. Olardy VinWonders.com, Ticketbox, Klook.com jáne Trip.com saıttarynan satyp alýǵa bolady.
Eske sala keteıik, osyǵan deıin Dımash Qudaıbergen Mysyrda ótetin «The Pyramids Echo» festıvalinde óner kórsetetinin habarlaǵanbyz.