Dımash Qudaıbergen ustazdaryn merekemen quttyqtady

AQTÓBE. QazAqparat - Ánshi Dımash Qudaıbergen mýzyka kolledjindegi ustazy Marat Áıtimovti merekemen quttyqtady, dep habarlaıdy QazAqparat tilshisi.

Dımash Qudaıbergen vıdeo quttyqtaý joldady.
«Eń aldymen alǵys aıtqym keledi. Mereke qarsańynda túsirilgen vıdeo sizderge degen ystyq lebizimniń, mahabbatymnyń belgisi dep bilińizder. Qazirgi tańda azdy-kópti jetistikke jetip, alynbas qamaldy alyp, shyńdarǵa jetip júrgenimiz, sizderdiń eńbekterińizdiń arqasy. Bizge degen mahabbattaryńyz, tálimderińiz úshin shyn júrekten raqmet aıtqym keledi. Ustazym Marat Oljabaıulyna erekshe raqmet aıtamyn. Áli kúnge deıin aǵalyq, ákelik nusqaýyn berip, áli de sharshamaı ustazdyq tálim berip júr. Amanjol Dúısenulyna raqmet. Elimiz aman, júrtymyz tynysh bolsyn», - dedi Dımash Qudaıbergen óz sálemdemesinde. Ári Ahmet Jubanov atyndaǵy kolledj ujymyna sálemin joldady.

Aıta keteıik, Marat Áıtimov Dımash Qudaıbergenniń kolledjdegi ustazy, tálimgeri. Ánshi Aqtóbege kelgen ár saparynda ustazymen kezdesip turady.