Dımash Qudaıbergen «Top Influential Idol» reıtınginde ataqty «EXO»-ny artta qaldyrdy

ASTANA.QazAqparat - Dımash Qudaıbergen Qytaı ınternet-kompanııalardyń eń bedeldisi - NetEase kompanııasynyń «Eń yqpaldy seri» (Top Influential Idol) reıtınginiń kezekti kezeńinde jeńimpaz atandy, dep habarlaıdy QazAqparat tilshisi.

«Barlyq sherýlerde men úshin daýys berip, únemi meni qoldap, mərtebemdi bıiktetip júretin týǵan elimdegi jəne əlemniń túkpir-túkpirindegi jankúıer tyńdarmandaryma myń alǵys! Eki kúnde 70 mıllıonǵa jýyq daýys jınaǵan jetistik sizderdiki Dears! Jeńimpaz men emes, sizdersizder! Rahmet, dears!», - dep jazdy ánshi Instagram-daǵy paraqshasynda.

Aıta keteıik, bul Dımashtyń «Top Influential Idol» reıtıngisinde alǵash ret boı kórsetýi. Reıtıng ár apta saıyn jańalanyp, reıtıngke engen ár juldyzdyń jankúıerleri 7 kún boıy daýys berip ár jańa aptanyń basynda jeńimpazdy anyqtaıdy. Jyl sońynda eń kóp aptalyq jeńimpaz ıegeri, jyldyń «Eń yqpaldy serisi» atanady.

Dımash qazirgi ýaqytta 62-kezekti «Top Influential Idol» reıtınginde 1,09 mln daýys jınap, úshinshi orynǵa jaıǵasty.