Dımash Qudaıbergen toqqa túsip, eki qolynan aıyrylǵan oqýshymen kezdesti

AQTÓBE. QazAqparat - Aqtóbege kelgen Dımash Qudaıbergen eki qolynan aıyrylǵan Damır Faktýlınmen kezdesti, dep habarlaıdy QazAqparat tilshisi.

Shalqar aýdanyndaǵy mektep aýlasynda oınap júrip, transformatordaǵy toqqa túsip qalǵan Damır Faktýlın eki qolynan aıyrylǵan bolatyn. Búgin onyń armandarynyń biri oryndalyp, Dımash Qudaıbergenmen kezdesti.

«Ulym Damır óte qýanyshty. Ol búgin Dımashpen túski as iship, keshke de birge bolady eken. Syılyq ta berdi. Damır Dımashtyń ánderin tyńdaıdy, kezdesý armany edi», - dedi Damırdiń anasy Gúlmıra Faktýlına. Anasynyń aıtýynsha, ol kezdesýge eki ulyn jibergen.