Dımash Qudaıbergen «Taý ishinde» atty jańa ánine chellendj jarııalady

ASTANA. KAZINFORM — Osy ánge túsirilgen jáne eń kóp qaralym jınaǵan qyzyqty vıdeo avtoryna úlken syılyq beriledi, dep habarlaıdy Dimashnews.

15 mamyr kúni saǵat 20:00–de (Astana ýaqytymen) Dımash Qudaıbergenniń YouTube jelisinde «Taý ishinde» atty jańa beınebaıanynyń premerasy ótedi.

Premeraǵa oraı chellendj jarııalandy: osy trekke túsirilgen jáne eń kóp qaralym jınaǵan qyzyqty vıdeo avtoryna úlken syılyq daıyn.

Sharttary:

• Vıdeonyń uzaqtyǵy 30 sekýndqa deıin bolýy kerek.
• TikTok nemese Instagram platformalarynda jarııalaý.
• Heshteg: #TauIshindeChallenge.

— Chellendj 2025 jylǵy 8 mamyr men 25 mamyr aralyǵynda ótedi. Júlde — jeńimpaz óz tańdaýy boıynsha Dımash Qudaıbergenniń jeke kontsertine joldama alady (Barselona, Berlın, London nemese Rıga). Ushý jáne turý shyǵyndary tolyq qamtylady. Nátıjesi — 26 mamyrda Almaty qalasynda ótetin fan-kezdesýde jarııalanady, — delingen habarlamada.

Buǵan deıin TikTok jelisinde Dımash Qudaıbergenniń The Story of One Sky atty ániniń úzindisi keń tarap, jastar arasynda ázil-qaljyń týdyrdy. Artynsha Dımash jelidegi ázilge qatysty pikir bildirdi.