Dımash Qudaıbergen sý tasqynynan zardap shekkenderge 15 mln teńge aýdardy

ASTANA. KAZINFORM — Qazaqstandyq ánshi Dımash Qudaıbergen sý tasqynynan zardap shekken qazaqstandyqtarǵa kómekke óz úlesin qosty. 

Ol «Demeý Qazaqstan» qaıyrymdylyq qoryna 15 mln teńge kóleminde qarjylaı kómek aýdardy. 

Aıta keteıik, búgin Aqtóbege ánshi Dımash Qudaıbergen kelip, № 40 orta mekteptegi evakýatsııalyq pýnktke bardy. Onda turǵyndarmen kezdesti.

Sonymen birge gýmanıtarlyq kómek ortalyǵyndaǵy jumyspen tanysty. Munda eriktiler kúni-túni jumys istep júr.

Aqtóbe oblysy ákimi apparaty basshysynyń orynbasary Lázzat Orazbaeva ásirese GAZel júrgizýshileriniń osyndaı qysyltaıań kezde jasaǵan kómegi jaıynda áńgimelep berdi.

Olar kúndelikti aýdan-aýdanǵa gýmanıtarlyq kómekti tegin tasymaldaıdy.