Dımash Qudaıbergen Shanhaı halyqaralyq kınofestıvaliniń jabylý saltanatynda óner kórsetti

ASTANA. KAZINFORM – 21 maýsymda Qytaıda 27th Shanghai International Film Festival (27-shi Shanhaı halyqaralyq kınofestıvaliniń) jabylý saltanaty ótti, dep habarlaıdy dimashnews.com.

Sharada Qazaqstannyń halyq ártisi Dımash Qudaıbergen áıgili klassıkalyq týyndylardyń biri – Edıt Pıaftyń oryndaýynda keńinen tanymal bolǵan «Hymne à l’amour» ánin usyndy.

Dımash mahabbat ánuranyn qytaı, aǵylshyn jáne frantsýz tilderinde oryndap, jyly sezimdi júrekten júrekke jetkizip, jastyq sezim ekpinin danalyqpen ushtastyrdy.

Dúnıejúzilik kıno óneriniń 130 jyldyǵy men Qytaı kınosynyń 120 jyldyǵymen tuspa-tus kelgen Qytaı kınosynyń týǵan jeri Shanhaı Haýńpý ózeniniń jaǵasynda álemniń túkpir-túkpirinen kelgen 100-den astam rejısserdi qarsy aldy.

Shanhaı men onyń mańyndaǵy aımaqtaǵy 50-ge jýyq kınoteatrda 71 elden 400 fılm kórsetildi. Fılmder «Negizgi baıqaý», «Azııalyq jańadan kelgender», «Derekti fılm», «Anımatsııa» jáne «Qysqametrajdy fılm» atty bes nomınatsııa boıynsha «Altyn kýbok» júldesin sarapqa saldy.