Dımash Qudaıbergen sekildi azamattar «Táýelsizdiktiń 100 tulǵasy» jobasyna kiredi - Elbasy

ASTANA. QazAqparat - Dımash Qudaıbergen «Táýelsizdiktiń 100 tulǵasy» jobasyna kiredi. Bul týraly  búgin elordadaǵy Beıbitshilik pen kelisim saraıynda ótip jatqan Qazaqstan halqy Assambleıasynyń XXV sessııasynda sóz sóılegen  Elbasy Nursultan Nazarbaev aıtty, dep habarlaıdy QazAqparat.

«100 jańa tulǵa» jobasynyń Assambleıaǵa tikeleı qatysy bar. Mine, Dımash Qudaıbergen - bizdiń táýelsizdigimizdiń kelbeti. Men oǵan aıttym, onyń jasy 22-de, táýelsizdigimizdiń qurdasy desek te bolady. Eger ol buryn, táýelsizdikke deıin dúnıege kelgende ony eshkim de Qytaıǵa jbermes edi. Ózderińiz de bilesizder ǵoı, biz Qytaımen qandaı qyrǵı-qabaq bolǵanymyzdy», - dedi Memleket basshysy.

Memleket basshysy sol kezeńde Qazaqstannyń búkil shyǵys shekarasynda jer astynda kómilgen tankilerdiń turǵandyǵyn eske salyp ótti.

«Qytaı turmaq bizdi shetelge jiberdi me ózi? Jibergenniń ózinde arnaıy qyzmettiń birneshe adamy birge bolatyn. Olar kelgen soń esep beretin», - dedi Elbasy.