Dımash Qudaıbergen reseılik «MÝZ-TV 2019 syılyǵy» keshiniń arnaıy qonaǵy bolmaq
Óziniń Instagram paraqshasynda qazaq ánshisi Reseıge shaqyrylǵanyn rastap, «Reseı memleketiniń «Mýz TV» júldesinde kezdeskenshe» dep jazdy.
«Jas ánshi óziniń biregeı daýsymen álemge tanyldy. Ony bári de áıgili opera ánshisi bolady degenimen, Dımash tanymal mýzyka jolyn tańdady. Onyń repertýarynda ártúrli janrdaǵy ár túrli tildegi ánder bar. Mýzyka synshylary biraýyzdan mundaı daýysy bar adamdar sırek týatynyn aıtyp jatyr. Jas ánshi eńbekqor ári jigerli bolǵandyqtan, ol bir kúni naǵyz sensatsııa bolary anyq. 7 maýsymda «MÝZ-TV 2019 syılyǵynyń» 17-shi saltanatynda ártis bul sózimizdi dálelderi anyq», - deıdi «MÝZ-TV» atqarýshy dırektory Arman Dáýletırov Máskeýdegi baspasózge arnalǵan jıynda.
Eske sala ketsek, Amerıkanyń The World's Vest baıqaýynda Qazaqstannyń atynan óner kórsetip jatqan Dımash Qudaıbergen men Danelııa Tóleshova jaqynda taǵy da amerıkalyqtardy tań qaldyrǵan bolatyn.
Al jaqynda Dımash 8 naýryzǵa tosyn syı daıyndap jatqanyn jarııa etip, «Aqqýym» ánine jazylǵan klıpiniń tızerimen tanystyrǵan edi.
