Dımash Qudaıbergen Petropavlda jeke kontsertin ótkizýi múmkin
500 kórermenge arnalǵan mádenıet oshaǵynyń qurylysy bastalyp ketti. Ony tamyzdyń sońy - qyrkúıektiń basyna qaraı aıaqtaý josparlanǵan. Jergilikti bılik jańa teatrǵa úlken úmit artyp otyr.
«Biz qazirdiń ózinde gastrolder týraly kelissóz júrgizip jatyrmyz. Ashylý saltanatyna Dımash Qudaıbergen, «A-Stýdıo» toby kelgenin qalaımyz. Biz olardyń jeke kontsertterin ótkizý týraly kelisip te qoıdyq. Petropavlda kem degende jylyna bir ret úlken shara ótkizýge tıispiz. Kóptegen oılar bar. Osy másele boıynsha Úkimetpen jumys istep jatyrmyz. Kúndiz munda sharalar ótedi, keshkisin qazaqstandyq juldyzdardy nasıhattaý úshin kontsertter bolady», - deıdi Soltústik Qazaqstan oblysynyń ákimi Qumar Aqsaqalov.
Teatr «Jas órken» shaǵynaýdanynda boı kótermek. Munda kóp qabatty turǵyn úıler kóbeıe bastady, zamanaýı Oqýshylar saraıy salyndy, kópke ortaq tennıs ortalyǵy da bar, budan tys mektep, úıler salynyp jatyr.
Avtor: Olesıa Jýkoven
