Dımash Qudaıbergen múgedektigi bar «Altyn belgi» ıegerin qýantty
ASTANA. KAZINFORM – Astanada mektep túlekterine attestat tapsyrý rásimi kezinde erekshe bilim berý qajettiligi bar túlekke erekshe syılyq jasaldy.
Elordadaǵy №83 mektep-lıtseıiniń túlegi, «Altyn belgi» ıegeri Maksım Tsoı mektepti qyzyl attestatpen aıaqtady. Ol buǵan deıin sońǵy qońyraý saltanatynda ustazymen birge bı bılep, áleýmettik jeli qoldanýshylarynyń yqylasyna bólengen bolatyn.
Jas túlektiń ómirge qushtarlyǵy, belsendiligi men bilimge degen umtylysy kópshiliktiń nazaryn aýdardy.
Búgin attestat tabystaý rásiminde Maksım taǵy bir qýanyshty jańalyqqa keneldi. Álemge tanymal qazaqstandyq ánshi Dımash Qudaıbergen oǵan arnaıy syılyq joldap, noýtbýk tartý etti.
«Óner ıesiniń bul syıy Maksımniń bilim jolyndaǵy eńbegi men tabandylyǵyna kórsetilgen qurmet retinde baǵalanyp otyr», – dep habarlady Astana qalasy ákimdiginiń baspasóz qyzmeti.
Elordada bıyl 16 myńnan astam túlek mekteppen qoshtasyp, úlken ómirge joldama aldy.
Aıta keteıik, qazaqstandyq oqýshylar Eýropalyq fızıka olımpıadasynda 4 medal jeńip aldy.
