Dımash Qudaıbergen: Meniń áli aıtarym bar!

TALDYQORǴAN.QazAqparat - Qytaıdyń Hýnan telearnasynyń «Singer 2017» án baıqaýynyń aqtyq básekesinde óner kórsetip, ekinshi oryndy jeńip alǵan Dımash Qudaıbergen qoldaý kórsetken barsha jankúıerlerine alǵysyn bildirip jatyr dep, habarlaıdy QazAqparat tilshisi. 

Ol óziniń Instagram jelisindegi paraqshasynda qoldaý bildirgenderge sheksiz rızashylyǵyn jetkizgen.

«Júregim óner dep soǵady, maqsatym án aıtý, kúlli álemge ishimde jatqan bardy jar salý... Mindetim, qazaq ánin pash etý, jankúıerlerime jan júregimde jatqan jyrdy jyrlaý, ónerimdi baǵalaıtyndarmen birge tolǵaný, tebirený!... Meniń áli aıtarym bar! Bul bastamasy! Jeńis qutty bolsyn!!! Júregim Sizdermen birge!!! Ystyq yqylastaryńyz úshin raxmet!!!», - dedi erekshe talantymen talaıdy tamsandyrǵan daryndy ánshi.

Aıta keteıik, Dımash Qudaıbergen baıqaýdyń on kezeńnen turatyn irikteý básekesinde úsh ret birinshi oryn aldy.Al aqtyq synda oǵan ekinshi oryn buıyrdy. Gonkong qalasynyń týmasy Lın Ilıan (Sandy Lam) birinshi oryndy jeńip aldy, al taıvandyq "Arystan" (Lion) toby úshinshi oryndy ıelendi. 

Júregim óner dep soǵady, maqsatym án aıtý, kúlli álemge ishimde jatqan bardy jar salý... Mindetim, qazaq ánin pash etý, jankúıerlerime jan júregimde jatqan jyrdy jyrlaý, ónerimdi baǵalaıtyndarmen birge tolǵaný, tebirený!... Meniń áli aıtarym bar! Bul bastamasy! Jeńis qutty bolsyn!!! Júregim Sizdermen birge!!! Ystyq yqylastaryńyz úshin raxmet!!! Dears ❤️❤️❤️ #DQ #TheSinger #TheSingerDimash #dimash #dimashkudaibergen #Kazakh

Pýblıkatsııa ot Dımash QUDAIBERGEN (@kudaibergenov.dimash) Apr 15 2017 v 1:18 PDT