Dımash Qudaıbergen meksıkalyq jankúıerleriniń shaqyrtýyn qabyl aldy

NUR-SULTAN. QazAqparat – Ánshi Dımash Qudaıbergen Latyn Amerıkasynda kontsert ótkizýi múmkin. Bul týraly ónerpaz áleýmettik jelidegi paraqshasynda jazdy, dep habarlaıdy QazAqparat.

«Latyn Amerıkasyndaǵy jankúıerlerime, Meksıkadaǵy jankúıerlerime alǵysym sheksiz. Qala boıynsha 600-ge jýyq ekran arqyly jasaǵan shaqyrtýlaryńyzdy qabyl aldym. Buıyrsa, sizder jaqqa da at basyn burarmyn. Rahmet!» - dep jazdy ánshi Instagram betinde.

Buǵan deıin habarlaǵanymyzdaı, Mehıkodaǵy metronyń medıafasadtarynda Dımash Qudaıbergenniń Fly Away ánine túsirilgen vıdeosy jarııalandy. Rolık apta boıy saǵat saıyn 576 ekranda kórsetildi.