Dımash Qudaıbergen jaǵymdy jańalyq aıtyp, jankúıerlerin qýantty
ASTANA. KAZINFORM – Dımash Qudaıbergen 10 sáýirde jankúıerlerin jaǵymdy jańalyqpen qýantty. Bul týraly ánshi óziniń áleýmettik jelidegi paraqshasynda jazdy.
— Meniń týǵan kúnime oraı, 26 mamyrda Almaty Arena stadıonynda «Stranger» kontsertiniń kınoteatrlarǵa shyǵýyna oraı uıymdastyrylatyn «D and Dears» atty fan-kezdesý ótedi. Meniń shyǵarmashylyǵyma arnalǵan shoýdy, qazaqstandyq ártisterdiń qatysýymen, ártúrli suraqtarǵa jaýaptaryńyzdy alyp, jańa ánderdiń premeralary men beınebaıandaryn da qatar tamashalaı alasyzdar, — dep jazdy Dımash.
Al 27 mamyrdan bastap Astanada ótken «Stranger» shoýy 5.1 kólemdi dybyspen jáne qatysý effektisimen úlken ekrandarda elimizde alǵash ret kınoteatrlarda kórsetiledi.
Kelesi aptadan bastap fan-kezdesý bıletteri Ticketon saıtyna shyǵady. Kezdeskenshe! Sizderdi erekshe jaqsy kóremin, — dep jazdy ánshi.
Dımash Qudaıbergen búgin áleýmettik jelidegi paraqshasynda mańyzdy jańalyq aıtatyny týraly aldyn ala habarlap, eldi eleń etkizgen edi.
Aıta ketelik Dımash Qudaıbergenniń oryndaýyndaǵy án eń kóp tyńdalǵan 100 kompozıtsııanyń qataryna endi.