Dımash Qudaıbergen Qytaıdyń Fýchjoý qalasynda óner kórsetti
ASTANA. KAZINFORM - Dımash Qudaıbergen D-Dynasty álemdik týrnesi kezinde Qytaıdaǵy Fýchjoý qalasynda jeke kontsert berdi, dep habarlaıdy QazAqparat.
Bul týraly tanymal ánshi Instagramdaǵy paraqshasynda jazdy. Ánshi jankúıerlerine kontsert berilgen stadıonnyń sýretin kórsetti.
Sonymen qatar, kontsert barysyndaǵy birneshe fotosyn jarııalady.
Aıta keterligi, Dımash Qudaıbergen buǵan deıin Chansha qalasynda óner kórsetken bolatyn.
Eske sala ketsek, Dımash alǵashqy álemdik týrnesi aıasynda QHR-da júr.Buǵan deıin habarlanǵandaı, Jańa jyldy qazaqstandyq ánshi Qytaıda qarsy aldy.
Eske sala ketsek, TC Candler táýelsiz sarapshylary 2017 jyldaǵy eń symbatty da kórikti adamdardyń júzdiginde jerlesimiz Dımash Qudaıbergen eń ádemi er adamdar arasynda 76-shy orynda tur. Onyń ústine Dımash Qudaıbergen Raıan Goslın (91 oryn), Leonardo dı Kaprıo (87 oryn), Dýeın Djonson (82 oryn), Bred Pıtt (78 oryn) sııaqty ataǵy jer jarǵan Gollıvýd juldyzdarynan alǵa shyǵyp ketti.
Aıta keterligi, Dımash Qudaıbergen «2017 Golden mango melody awards» sharasynda «Jyldyń úzdik tanymal ənshisi»nomınatsııasy boıynsha marapattaldy.
Ánshi jyldyń basynda Qytaıdyń «Singer 2017» án dodasynda ekinshi oryn jeńip alyp, Qytaı jáne basqa da elderdegi tanymaldylyǵy arta tústi.
