Dımash Qudaıbergen qytaılyq mýzykalyq shoýda «Altyn áýen» syılyǵyn jeńip aldy
ASTANA. KAZINFORM – Qazaqstandyq ánshi Dımash Qudaıbergen qytaılyq telearnanyń «Bizdiń án» atty mýzykalyq shoýynda óner kórsetti.
Shoýda Dımash qytaılyq ánshi Hýan Sıaoıýnmen birge «Red Moon Rules» ánin oryndap, kórermender men qazylardyń alqaýyna bólendi.
Sondaı-aq, Dımash Qudaıbergen taǵy bir qytaılyq tanymal ánshi Gon Lınnamen birge «Become a Poet» ánin shyrqady.
Aıta keterligi, Dımash baǵdarlama kezinde qytaılyq ánshilerge qazaq tilin úıretti. Al qytaılyq ánshiler Dımashqa qytaısha án aıtýyna kómektesken.
Baǵdarlama sońynda, Dımashtyń oryndaýyndaǵy «Become a Poet» áni altynshy maýsym altynshy kezeńiniń «Altyn áýeni» syılyǵyn jeńip aldy.
«Bizdiń án» mýzykalyq teleshoýynyń altynshy maýsymy 21 shildede kógildir ekrannan kórsetile bastady. Bul shoý qytaıda kórilimi eń joǵary baǵdarlamalar qataryna jatady.
