Dımash Qudaıbergen Qytaıdaǵy basty telearnanyń jobasyna qatysty
ASTANA. KAZINFORM – Ánshi Dımash Qudaıbergen Qytaıdaǵy basty tele arnanyń jobasyna qatysty. Bul týraly dimashnews.com
8 maýsymda CCTV-1 arnasy Qytaıdyń Ortalyq radıo jáne teledıdary Mádenıet jáne týrızm mınıstrligimen birlese otyryp, Qytaı men basqa da shetelder arasyndaǵy keń aýqymdy halyqaralyq mádenı almasý maqsatynda júzege asyrǵan «Sulýlyq pen úılesimdilik» jobasynyń jańa bólimin kórsetti.
«Mýzyka shekaralardy, al mádenıet kópirlerdi baǵyndyrdy. Áýen bastalǵanda, meniń ánimnen kúsh pen qaırattyń lebi sezilip turady degen úmittemin», – dep jyly lebizben Dımash jankúıerlerin baǵdarlamany tamashalaýǵa shaqyrdy.
Sol joba keshinde Dımashtyń birneshe jyldan beri jeke kontsertteriniń negizi bolǵan erekshe kúsh pen qaıratqa toly «Golden» áni jobanyń sahnasynda taǵy da shyrqaldy.
Al halyqaralyq yntymaqtastyq retinde qazaqstandyq ánshi Dımash Qudaıbergen Qytaıdan kelgen Sýchjoý jastar sımfonııalyq orkestriniń hory POLY WeDo súıemeldeýimen áıgili «You Raise Me Up» kompozıtsııasyn usyndy.
Eske sala keteıik, Dımash ótken jyldyń qazan aıynda ótken «Sulýlyq pen úılesimdilik» jobasynyń premera bólimine qatysqan bolatyn. Odan keıin ataqty pıanıst Lang Langpen birge kompozıtor Sın Sınhaıdyń «Sary ózenniń qaıyqshysynyń áni» atty fortepıanolyq kontsertiniń birinshi bóliminiń fragmentin oryndap, qazaqtyń halyq áni «Dýdaraıdy» tól dástúrli naqyshta jáne djaz-fank stılinde usyndy.
