Dımash Qudaıbergen Qyrǵyzstannyń halyq ártisi ataǵyn aldy
ASTANA. KAZINFORM — 22 shildede Qyrǵyzstannyń Cholpon-Ata qalasyndaǵy Dúnıejúzilik kóshpendiler oıyndarynyń ortalyq ıppodromynda «Meıkın Azııa» IV halyqaralyq mýzyka festıvaliniń saltanatty fınaly ótti.
Festıvaldiń jabylý saltanatynda Qyrǵyz Respýblıkasy Prezıdenti Sadyr Japarovtyń jarlyǵyna sáıkes, Qazaqstannyń halyq ártisi, ánshi ári kompozıtor Dımash Qudaıbergenge «Qyrǵyz Respýblıkasynyń halyq ártisi» qurmetti ataǵy berildi.
Marapatty Dımashqa mádenıet, aqparat jáne jastar saıasaty mınıstri Mırbek Mámbetalıevtiń qatysýymen Qyrǵyz Respýblıkasynyń Memlekettik hatshysy Marat Imanqulov tabystady.
Eske sala keteıik, buǵan deıin ánshi Dımash Qudaıbergen áleýmettik jelide erekshe obrazdaǵy sýret, beınejazba jarııalap, kórermendi tańǵaldyrǵan edi.