Dımash Qudaıbergen Qyrǵyzstanda óner kórsetedi

ASTANA.KAZINFORM - Qazaqstannyń halyq ártisi Dımash Qudaıbergen «Meıkın Azııa» IV halyqaralyq oryndaýshylar festıvaline qatysady.

20-22 shilde aralyǵynda Qyrǵyzstannyń Cholpon-Ata qalasynda «Meıkın Azııa» IV halyqaralyq oryndaýshylar festıvali ótedi.

Dımash Qudaıbergen 22 shilde kúni kórermenderdi ónerimen qýantady.

- Dımash osy úlken mýzykalyq festıvaldiń eń jaryq juldyzy bolady! – deıdi uıymdastyrýshylar.

Festıvalge 25-ten astam eldiń ónerpazdary qatysady.

Osyǵan deıin áıgili Vetnam radıosynyń Dımash Qudaıbergenge habar arnaıtyny týraly jazdyq.

Radıohabar ánshiniń óner jolyna arnalady. Atap aıtsaq, qytaılyq «Singer 2017» shoýyndaǵy debıýtinen bastap ártúrli mýzykalyq janrlardy qamtıtyn halyqaralyq jetistikteri (klassıkalyqtan qazirgi popqa deıin) qamtylady.