Dımash Qudaıbergen: QHR Tóraǵasy Sı Tszınpınge án aıtyp bergim keledi
ASTANA. QazAqparat - Dımash Qudaıbergen QHR Tóraǵasy Sı Tszınpınge arnap án aıtyp bergisi keletin aıtty, dep habarlaıdy QazAqparat.
Bul týraly ánshi Qytaıdyń CCTV ortalyq telearnasyna bergen suhbatynda málim etken.
«Álem halqynyń úshten biri Qytaıda turady. Osy eldegi jankúıerlerimniń maǵan degen sezimi búkil qazaq halqyna degen, qazaq baýyrlarymyzǵa degen qurmeti dep bilemiz. Osyndaı úlken memlekette án salyp, óner kórsetý men úshin úlken baqyt. Tóraǵa Sı Tszınpınniń elimizge sapary barsynda, ózimniń repertýarymdaǵy eń jaqsy dep sanaıtyn ánimdi oryndap bergim keledi. Jáne de oraıy kelip jatsa meniń jolymdy ashqan «Ánshi» jobasyna qatystyryp, osyndaı múmkindik týǵyzyp otyrǵan Qazaqstan men Qytaı eliniń arasyndaǵy dostyq qarym-qatynastyń saqtalyp kele jatqany úshin rahmetimdi ánmen jetkizgen bolar edim. Eki eldiń dostyǵyn ata-babalarymyz amanat etip qaldyrǵan mádenı murasyn bir-birimizge kórsetý arqyly nyǵaıta túsemiz dep oılaımyn», - deıdi Dımash Qudaıbergen atalmysh telearnaǵa bergen suhbatynda.
