Dımash Qudaıbergen kezekti jeńisin ustazy Marat Áıtimovke arnady
AQTÓBE. QazAqparat - Dımash Qudaıbergen Weibo awards jobasy boıynsha «Mýzykadaǵy jańa kúsh» nomınatsııasyn jeńip aldy. Bul týraly ánshi óziniń áleýmettik jelidegi paraqshasynda jarııalady, dep habarlaıdy QazAqparat tilshisi.
Taıaýda ǵana týǵan jerinde bir apta demalǵan Dımash Qudaıbergen osy jyldyń alǵashqy jeńisine qol jetkizdi. Ol Weibo awards jobasy boıynsha «Mýzykadaǵy jańa kúsh» nomınatsııasyn jeńip aldy.
«Osy syılyqty alýyma sizder sebep boldyńyzdar. Qajyrly eńbekterińizben maǵan daýys berdińizder. Úmit aqtaldy. Ózimniń, barsha tyńdarmandardyń atynan syılyqty ustazym Marat Áıtimovke arnaımyn»,- dedi ánshi Dımash Qudaıbergen. Al ustazy Marat Áıtimov: «Emotsııadan júregim aýzyma tyǵyldy, sózim joq»,- dep óz rızashylyǵyn bildirdi.
