Dımash Qudaıbergen «Qazaqstannyń halyq ártisi» ataǵy jaıly: Laıyq ne laıyq emestigimdi kóziqaraqty halyq sheshedi

Álemge esimi tanymal ánshi Dımash Qudaıbergen «Qazaqstannyń halyq ártisi» ataǵy alýyna qatysty pikir bildirdi, dep habarlaıdy Kazinform.

«Prezıdentimiz áýede ushyp kele jatqan kezde maǵan osyndaı tamasha jańalyqty jetkizgen bolatyn. Eń bastysy – halyqtyń yqylasy, halyqtyń peıili. Ol eshqandaı marapatpen ólshenbeıdi dep oılaımyn. Sol sebepti bul ataqqa laıyqpyn ba, laıyq emespin be, ony kóziqaraqty halyq sheshedi. Meniń árbir aıaq alysym, árbir jetken jetistigim, árbir marapatqa ıe bolǵan sátim kóziqaraqty halyqtyń sheshimimen bolýy kerek. Osy ýaqytqa deıin meni qoldap kele jatqan tyńdarman qaýymǵa basymdy ıip, rahmetimdi aıtqym keledi. El aman, jurt tynysh bolǵaı! Álemde beıbitshilik bolsyn! Óskeleń urpaq qazaqtyń mártebesin búkil álem aldynda rýhanı turǵyda kóretetindeı deńgeıge kóterile bersin!», - dedi Dımash Qudaıbergen Aqordadaǵy marapattaý rásiminen keıin BAQ ókilderine bergen suhbatynda.

Aıta keterligi, Memleket basshysy Qasym-Jomart Toqaev «Qazaqstannyń halyq ártisi» ataǵyn Dımashtan bólek ataqty ánshi Ramazan Stamǵazıev pen kúıshi Aıgúl Úlkenbaevaǵa bergen edi.