Dımash Qudaıbergen ıspan tilinde án jazýdy josparlap otyr

ASTANA. KAZINFORM- Qazaqstandyq ánshi Dımash Qudaıbergen DIMENSIONS álemdik týry aıasynda 19 jáne 20 qarashada ótetin eki kontsertke qatysý úshin Mehıko qalasyna bardy.

Dımash Kýdaıbergen rasskazal o planah zapısat pesnıý na ıspanskom ıazyke
Foto: Dimashnews.com

Kontsertter qarsańynda óner ıesi jankúıerlerimen kezdesip, Meksıka jáne halyqaralyq BAQ ókilderine baspasóz máslıhatyn ótkizdi, dep habarlaıdy Dimashnews.com.

18 qarashada ánshini qoldaryna Qazaqstan men Meksıkanyń týyn ustaǵan kóptegen jankúıer qarsy aldy. Jınalǵandar óner ıesin dý qol shapalaqtap, ózderine burynnan tanys «¡Dimash, hermano! ¡Ya eres mexicano!» («Dımash, baýyrym! Sen endi meksıkalyqsyń!») degen uranmen qarsy aldy.

Dımash mingen kólikti jankúıerler qorshap alǵan kezde ánshi lıýkti ashyp, kóliktiń tóbesine kóterilip, jınalǵan qaýymmen ózi amandasty.

Dımash Kýdaıbergen rasskazal o planah zapısat pesnıý na ıspanskom ıazyke
Foto: Dimashnews.com

Mehıko DIMENSIONS álemdik týrynyń Meksıkadaǵy tórtinshi qalasy boldy. Buǵan deıin kontsertter Merıda, Monterreı jáne Gvadalahara qalalarynda ótken edi.

Baspasóz máslıhatynda Dımash Meksıkaǵa eldegi alǵashqy jeke kontsertinen bir jyl ótken soń qaıta oralýy ózi úshin erekshe oqıǵa ekenin aıtty.

— Sońǵy on jylda álemniń kóptegen elinde jeke kontsertterimizdi ótkizdik. Biraq byltyr Meksıkadaǵy kontsertten keıin kontsert dırektorlaryma: «Biz bul jerge mindetti túrde qaıta oralýymyz kerek! Eger múmkindik bolsa, kelesi kontsertti tezirek uıymdastyraıyq», — dedim. Mine, biz qaıtadan osyndamyz! — dedi ánshi.

Kezdesýdegi basty jańalyqtardyń biri – óner ıesiniń ıspan tilinde mýzykalyq shyǵarma jazý nıeti týraly málimdemesi boldy.

— Jaqyn arada ıspan tilinde sóıleıtin barlyq jankúıerim úshin, árıne, meksıkalyq tyńdarmandar úshin de bir dúnıe jasap kórgim keledi. Óıtkeni olar buǵan laıyq dep oılaımyn. Maǵan sózderdi durys aıtýǵa kómektesetin adam tapqym keledi. Bul týyndyny jaqyn arada jaryqqa shyǵaramyz dep úmittenemin, — dedi Dımash.

Ánshi óziniń mýzykalyq talǵamy týraly da áńgimeledi. Ol ıspan tilindegi súıikti shyǵarmalarynyń qatarynda «Historia de un Amor», «Bésame Mucho» jáne argentınalyq oryndaýshy Lýchano Pereıranyń «Porque aún te amo» ánin atady.

Dımash Kýdaıbergen rasskazal o planah zapısat pesnıý na ıspanskom ıazyke
Foto: Dimashnews.com

Kezdesý barysynda óner ıesi halyqaralyq mansabynyń bastalýyn jáne Qytaıdyń Singer televızııalyq baıqaýyna qatysqan kezeńin eske aldy. Onyń jadynda sheteldik myńdaǵan kórermen aldynda qazaqtyń halyq áni «Daıdıdaýdy» oryndaǵan sát erekshe saqtalǵan.

— Men sahnada 20-30 myń adamnyń aldynda turdym. Kenet olardyń bári menimen birge óz ana tilimde án aıta bastady. Onyń ústine, sózderdi anyq, aktsentsiz derlik aıtty! Men qatty tańǵaldym. Arada on jylǵa jýyq ýaqyt ótkende, týra keshe Gvadalaharadaǵy kontsertte dál sondaı sezimdi qaıta bastan ótkerdim, — dedi ol.

Dımashtyń aıtýynsha, onyń mýzykasynyń aýqymdy jarnamalyq naýqandarsyz halyqaralyq deńgeıde tanylýyna jankúıerleriniń qoldaýy múmkindik bergen.

Jýrnalısterdiń suraqtaryna jaýap bere otyryp, ánshi DIMENSIONS álemdik týrynyń tujyrymdamasyn da túsindirdi. Onyń aıtýynsha, týrdyń ataýy adam bolmysynyń san qyryn jáne klassıka, pop, rok, djaz ben repti biriktiretin shyǵarmashylyǵynyń mýzykalyq ártúrliligin bildiredi.

Baspasóz máslıhatynda otbasylyq qundylyqtarǵa da erekshe nazar aýdaryldy. Dımash ata-anasynyń qoldaýy onyń ómiri men shyǵarmashylyq jolynda mańyzdy ról atqaratynyn atap ótti.

— Bala kezimde mýzyka ómirdegi eń mańyzdy nárse dep oılaıtynmyn. Mýzykany áli de qatty jaqsy kóremin. Alaıda eseıe kele otbasy, adamdarmen jaqsy qarym-qatynas jáne jaqsy adam bolýǵa umtylý áldeqaıda mańyzdy ekenin túsine bastadym. Mýzyka odan keıingi orynda, — dedi óner ıesi.

Shyǵarmashylyǵy týraly aıtqan ánshi sahnadaǵy óner kórsetý ol úshin vokaldyq sheberligin tanytýdyń ǵana emes, adamdarǵa beıbitshilik pen mahabbat týraly eske salýdyń da tásili ekenin jetkizdi.

— «The Story of One Sky» ánin oryndaǵanda, adamdarǵa soǵyssyz álem týraly eske salýǵa tyrysamyn. Al «Mahabbat ber maǵan» ánin aıtqanda, mahabbat týraly oı salǵym keledi. Men qolymnan kelgenniń bárin jasaýǵa tyrysamyn, — dedi Dımash.

Sondaı-aq óner ıesi jas mýzykanttarǵa keńes berip, turaqty jattyǵýdyń, sapaly bilim alýdyń jáne shyǵarmashylyqqa shynaıy qaraýdyń mańyzyn atap ótti.

— Tehnıka óte mańyzdy. Biraq óner týraly aıtatyn bolsaq, eń bastysy — shyn júrekten án aıtý. Eger sahnada ne istep jatqanyńa óziń senbeseń, oryndap turǵan ánińniń sózine senbeseń, onda án aıtpaǵanyń durys, — dep atap ótti ol.

Kezdesý sońynda Dımash meksıkalyq jankúıerlerine jyly qabyldaýy men kópjyldyq qoldaýy úshin alǵys aıtty.

— Sizdersiz, sizderdiń qoldaýlaryńyz ben mahabbattaryńyzsyz men óner ıesi retinde qalyptasa almas edim. Muny jaqsy túsinemin. Barlyǵyńyzǵa raqmet. Osy jetistikke jetýime sizder múmkindik berdińizder. Te amo! — dep jınalǵandarǵa ún qatty ánshi.

19 jáne 20 qarashada Dımash Qudaıbergen Meksıka astanasynda DIMENSIONS kontserttik shoýyn usynyp, álemdik týrdyń Meksıka kezeńin aıaqtaıdy.

Buǵan deıin Dımash Qudaıbergenniń Meksıkanyń Gvadalahara qalasynda alǵash ret jeke kontsertin ótkizgeni habarlanǵan edi. DIMENSIONS shoýy 17 qarashada Auditorio Telmex kontsert zalynda ótip, kórermen zaly lyq toldy.

Osyǵan deıin Dımashtyń Gvadalaharadaǵy kontserti qalaı ótkeni týraly jazdyq.