Dımash Qudaıbergen Hýnan telearnasynyń «Happy Camp» shoýynda qonaqta boldy
ASTANA.QazAqparat - Qytaıdaǵy «Singer 2017» án dodasynyń fınalyna jetken qazaqstandyq ánshi Dımash Qudaıbergen Qytaıdaǵy eń tanymal Hýnan telearnasynyń «Happy Camp» shoýynda qonaqta bolǵan kezi efırde kórsetildi.
Buǵan deıin habarlaǵanymyzdaı, Dımash baǵdarlamada «All by myself», qytaıdyń «Tań atty» ánderin shyrqady.
Aıta keteıik, teleshoýdyń tusirilim jumystary qańtar aıynda bolǵan. Qonaqqa «Singer 2017» baıqaýynyń bastapqy jeti ánshisi shaqyrylǵan. Aqpan aıynda efırde kórsetilý jospary, Tan Tsınniń jobadan ketý saldarynan keshigip, 18 naýryz kórsetildi.
«Hýnan TV» Qytaı telearnalary arasynda kórermender sany jaǵynan 2-oryn alady. «Happy Camp» teleshoýy 1997 jyldan bastap júrgizilp kele jatqan Qytaıdyń eń yqpaldy telebaǵdarlamalarynyń biri, basty aýdıtorııasy - jastar. Buǵan deıin baǵdarlamada Devıd Bekxam, Sheın Batte syndy álemdik juldyzdar qonaqta bolǵan.
