Dımash Qudaıbergen Halyqaralyq kóshi-qon uıymynyń jahandyq izgi nıet elshisi atandy
ASTANA. KAZINFORM – Qazaqstandyq ánshi Dımash Qudaıbergen Birikken Ulttar Uıymynyń Halyqaralyq kóshi-qon boıynsha uıymynyń (IOM) jahandyq izgi nıet elshisi bolyp taǵaıyndaldy, dep habarlaıdy Jibek joly telearnasy.
Bul týraly sheshim Jenevada ótken uıym keńesiniń kezekti sessııasynda jarııalandy
Uıym ókilderi Dımashtyń shyǵarmashylyǵy adamzattyń rýhanı qundylyqtaryn nasıhattap kele jatqanyn atap ótti. Ánshi álemdik tyńdarmandarǵa gýmanızm, meıirim jáne mádenıetterdi jaqyndastyrý ıdeıalaryn jetkizip júr.
IOM málimetinshe, Dımashtyń «Stranger» atty án keshteri Nıý-Iork, Mehıko, Berlın sekildi iri qalalarda ótip, 100 myńnan astam kórermendi jınaǵan. Tyńdarmandar onyń ónerin «júrekke em, janǵa daýa» dep baǵalaıdy.
Aıta keteıik, Dımash Qudaıbergen 2024 jyly osy uıymnyń aımaqtyq izgi nıet elshisi bolyp taǵaıyndalǵan edi. Endi ol jahandyq deńgeıde mıgranttardyń quqyqtaryn qorǵaý, qaýipsiz jáne rettelgen kóshi-qon ıdeıasyn ilgeriletý baǵytynda halyqaralyq bastamalardy qoldaýǵa atsalysady.