Dımash Qudaıbergen «Gremmı» ıegerimen birge án jazyp jatyr

ASTANA. QazAqparat - Qazaqstandyq ánshi Dımash Qudaıbergen «Gremmı» syılyǵynyń ıegerimen birge án aıtady, dep habarlaıdy QazAqparat.

«Jaqyn arada Gremmı júldesiniń ıegerimen daıyndap jatqan dýetimizdi kútińizder...», - dep jazdy Dımash Instagramdaǵy paraqshasyna. Degenmen ol naqty kimmen birge án shyrqaıtynyn jazbady.  

Aıta ketsek, ótken jyldyń qarasha aıynda Dımash Qudaıbergen Los-Andjeleste belgili prodıýser, kompozıtor, Gremmı syılyǵynyń ıegeri Ýolter Afanaseffpen kezdesti.

«Búgin men tamasha kisiniń úıinde boldym. Ol «GRAMMY» júldesiniń eki dúrkin ıegeri. Maıkl Djekson, Maraıa Kerı, Ýıtnı Hıýston syndy iri tulǵalarmen jumys jasaǵan uly kompozıtor jáne prodıýser. Selın Dıon oryndaǵan «Tıtanık» telefılminiń saýndtregi «My heart will go on» ənin de dúnıege alyp kelgen - osy Ýolter myrza. «Qubyjyq pen sulý», «Aladdın» (1992), «Jeke qorǵaýshy» (1992), «Sen ǵana» (1994), «Gerkýles», «Oıyn» (1997), «Bóten qaryndas» (1999), «Úı kútýshi hanym» (2002).  Djeıms Bondtyń «Ólimge berilgen ruqsatnama» fılmderiniń ənderin jazǵan kisi. Qansha jerden tarıhı jobalarda boı kórsetse de, óte qarapaıym, óte sypaıy. Aldaǵy ýaqytta qýantamyz», - dep jazǵan edi Dımash Instagramda.

Eske salaıyq, osy kúnderi qazaqstandyq ánshi D-Dynasty álemdik týrnesimen Qytaıda óner kórsetýde. Ánshi aspan asty eliniń birqatar qalasynda kontsertterin berip úlgerdi, olardyń arasynda Fýchjoý, Chansha bar.