Dımash Qudaıbergen fortepıano súıemeldeýimen «Adagio» ánin shyrqaıdy

BEIJІŃ. QazAqparat - «Singer» baıqaýynyń 6-kezeńinde Dımash Qudaıbergenov fortepıanoda oınaı otyryp ıtalıan tilindegi «Adagio» ánin shyrqaıdy, dep habarlaıdy «QazAqparat» HAA-nyń Qytaıdaǵy tilshisi.

«6-kezeńde Lın Ilıan «Máńgilik jaz» ánin, Tan Tszın - «Sezimder ózgergeni úshin kókke renish», Chjan Tsze - «Úlken aǵa», «Lion» toby - «Súıý», Djastın - «Saý bol» degim keledi» ánderin oryndaıdy. Dımash fortepıanoda óz súıemeldeýimen alǵash ret ıtalıan tilinde «Adagio» ánin aıtady», - dep habarlady qytaılyq BAQ.
 

Án baıqaýynyń 4-kezeńinde shyǵyp qalǵan Chjao Leı «Otyzdaǵy kelinshek» bıske ánin oryndaıdy.

«Weibo» paraqshasyndaǵy Dımashtyń jumys tobynda onyń fortepıanoda otyryp, daıyndyq jasap jatqan sýreti jarııalandy.