Dımash Qudaıbergen: Elbasyna úlken rahmetimdi aıtqym keledi

TALDYQORǴAN. QazAqparat - Qytaıdyń Hýnan telearnasynyń «Singer 2017» án baıqaýynyń aqtyq básekesinde óner kórsetip, ekinshi oryndy jeńip alǵan Dımash Qudaıbergen Elbasyna alǵysyn jaýdyrdy dep, habarlaıdy QazAqparat tilshisi.

Talaıdy ónerimen tánti etip, tórtkúl dúnıeni daýysymen tamsandyrǵan Dımashtyń Elbasyna alǵys aıtyp otyrǵan sátin belgili jýrnalıst Saltanat Qalıeva ınstagram jelisine júktedi. Ol óziniń jazbasynda Dımash Qudaıbergenovty naǵyz patrıot dep baǵalap, ata-anasyna qazaqı tárbıe bergeni úshin rızashylyǵyn bildirdi.

Dımash beınejazbada óziniń ystyq yqylasyn kelesideı jetkizgen: «Biz jeńiske jettik! Bul jeńis sizderdiń qurmetterińizge. Osy, qazirgi tańda emin-erkin, qalaǵan baıqaýymyzǵa baryp, álemniń túkpir-túkpirinde óner kórsetýimizge erekshe múmkindik bergen, bizdiń zamanaýı Qazaqstannyń irgetasyn qalaǵan Elbasymyz Nursultan Ábishuly Nazarbaevqa úlken rahmetimdi aıtqym keledi»,-dedi ol.

Ánshiniń osy júrekjardy lebizin estigen jurt birden qol shapalaqtap, qoshemet kórsetti.

Aıta keteıik, bul baıqaýda Dımash Qudaıbergenov ekinshi oryn alsa da jerlesteri onyń ónerin áleýmettik jelilerde joǵary baǵalap, altynǵa laıyqty jeńis dep pikir bildirýde.

Eksklıýzıv, kyzdar❗️#NagyzPatrıot #thesingerdimash @kudaibergenov.dimash 🇰🇿⭐️🌙@kanat_sveta_aitbaevtar - Dımashtaı ýshin, osyndaı kazakı tarbıe bergen ýshin, aldymen , sizderge myn algys 💐🙏

Pýblıkatsııa ot Saltanat KaliEva (@kaliyeva_saltanat_) Apr 15 2017 v 11:32 PDT