Dımash Qudaıbergen: Elbasy joly jarqyn bolashaqqa aparady

ASTANA. QazAqparat - Elbasy joly Otanymyzdyń jarqyn bolashaqqa aparatynyna senemin. Mundaı pikirdi Elbasy Nursultan Nazarbaevtyń Prezıdenttik ókilettigin toqtatýyna oraı ánshi Dımash Qudaıbergen bildirdi, dep habarlaıdy QazAqparat tilshisi.

«Nursultan Ábishuly Nazarbaev óte keremet adam. Óıtkeni ol elimizdi jańartyp, kórkeıtti. Qazaqstan Respýblıkasyn álemge tanytty. Elbasymyzdyń jyl saıynǵy halyqqa arnalǵan ár Joldaýy bizge kúsh-qýat berýmen qatar, halyqtyń ál-aýqatyn, ekonomıkamyzdyń nyǵaıýyn, azamattarǵa memlekettik qyzmet kórsetý sapasynyń artýyn, kompıýterlik saýattylyǵyn kóterilýin, jastardyń bilimge degen qushtarlyǵynyń keńeıýin kózdeıdi», - dedi ol.

Osy oraıda Dımash Tuńǵysh Prezıdenttiń «Rýhanı jańǵyrý: Bolashaqqa baǵdar», «Uly dalanyń jeti qyry» halyqqa naqty baǵdar berip, qazaqstandyqtardy úlken tabystarǵa jetýge ıtermeleıtin baǵdarlamalar ekendigin basa aıtty.

«Bul baǵdarlamalar meniń úlken maqsattarǵa jetýime, mádenıet, bilim kókjıegimdi keńeıtýge molynan jol ashty dep aıta alamyn. Sonyń aıǵaǵy - álemge týǵan elim, keń baıtaq jerimdi ónerim arqyly pash etip, qazaqtyń mártebesin kóterýge umtylysym. Bizge, jastarǵa osyndaı keremet múmkindikter týǵyzǵan, Táýelsiz memleketimizdiń jetistikteriniń basy-qasynda bolǵan Elbasymyzǵa shyn nıetimmen, zor alǵysymdy bildirgim keledi. Siz bastap, kórsetip bergen jol - Otanymyzdyń jarqyn bolashaǵyna aparatyn jol ekenine kámil senemin!», - dedi Dımash Qudaıbergen.