Dımash Qudaıbergen Mysyrda ótetin «The Pyramids Echo» festıvalinde óner kórsetedi

ASTANA. KAZINFORM — 2025 jyldyń 30 qarashasynda Dımash Qudaıbergen Mysyrdaǵy Gıza qalasynda ornalasqan «Pyramids Panorama» alańynda ótetin «The Pyramids Echo» festıvaline qatysady. Bul týraly Dimashnews.com habarlady. 

Bul festıval álemge áıgili orkestrler men solısterden bastap, zamanymyzdyń rýhyn aıqyndaıtyn biregeı oryndaýshylardy bir arnaǵa toǵystyrady. Munda kórermender mýzyka sheńberinen shyǵyp, túrli óner men mádenıettiń toǵysqan erekshe qoıylymdaryn tamashalaı alady.

Jańa býynǵa shabyt berýdi, qyzyǵýshylyq pen mýzykalyq ónerge degen tereń túsinikti arttyrýdy maqsat etken «The Pyramids Echo» jaı ǵana festıval emes, ol — ilgeri qadam, jańa kózqaras. Bul joba mýzykany tek kóńil kóterýdiń quraly retinde emes, tarıhtyń jańǵyryǵy, bilimniń bastaýy jáne bolashaqtyń dástúri retinde tanytýdy kózdeıdi.

Aıta ketelik sheteldik basylym Dımash týraly jazyp jatqany týraly jazǵan edik.