Dımash Qudaıbergen Djekı Channyń jańa fılminiń saýndtregin oryndady

ASTANA. KAZINFORM — 12 shildede Djekı Channyń kópten kútken jańa fılmi «Ańyz» prokatqa shyqty. Fılmniń sońynda Dımash Qudaıbergenniń oryndaýyndaǵy «Bul mahabbat» saýndtregi shyrqalady. Trek mýzykalyq platformalarǵa 5 shildede shyqty, dep habarlaıdy dimashnews.com saıty.

Djekı Channyń ózi basty róldi somdaǵan jańa fılmniń tarıhy arheolog Djek týraly jáne onyń shákirtterimen birge arman álemi men shyndyq arasynda kópir qyzmetin atqaratyn artefaktty qalaı tapqany jaıynda baıandaıdy. Arheolog muzdyq qazbalary kezinde tabylǵan jádigerlerdiń tekstýrasy túsinde kórgen nefrıt kýlonyn eske túsiretinin baıqaıdy...

«Bul mahabbat» ánin Djekı Chanmen uzaq jyldar boıy jumys istegen Oskardyń mýzykalyq tóreshisi, maestro Natan Vang jazǵan. Jańa án - Van myrza men Dımashtyń úshinshi birlesken týyndysy.

2020 jyly Dımash «Avangard» fılmine «Baqytty» saýndtregin oryndady.