Dımash Qudaıbergen Dýbaıda bedeldi syılyqtyń laýreaty atandy
ASTANA. KAZINFORM — Tanymal qazaqstandyq ánshi Dımash Qudaıbergen Dýbaıda DIAFA júldesiniń ıegeri atandy.
Ártis Instagram-daǵy paraqshasynda uıymdastyrýshylarǵa alǵysyn bildirdi.
«DIAFA-ǵa ónerge qosqan úles úshin bergen syılyqqa rahmet. Rahmet, Dýbaı, rahmet, DIAFA», — dep jazdy Dımash.
DIAFA (Distinctive International Arab Festivals Awards) — Dýbaıda jyl saıyn ótkiziletin halyqaralyq premııa. Ol óner, mádenıet, bıznes jáne gýmanıtarlyq jumystarǵa qosqan úlesteri úshin ártúrli elderdiń kórnekti tulǵalaryn atap ótedi. Laýreattar jetistikteri men halyqaralyq sahnadaǵy yqpaly úshin tańdalady.
Eske salsaq, Qytaıdaǵy Qazaqstan týrızm jylynyń jabylýynda Dımash Qudaıbergenniń jańa beınebaıany tanystyryldy.
Forým qatysýshylary Dımash Qudaıbergenniń «Kıeli mekenim» ánine arnalǵan jańa klıpin birinshi bolyp tamashalady.