Dımash Qudaıbergen: Dárigerler eń joǵary qurmetke laıyq

NUR-SULTAN. QazAqparat – Ánshi Dımash Qudaıbergen basyn qaterge tigip, koronavırýs dertimen aýyrǵandardy emdep jatqan mdıtsınalyq qyzmetshilerge alǵys aıtty, dep habarlaıdy QazAqparat.

«Ózge adamdarǵa kómektesý úshin basyn qaterge tigip jatqan medıtsınalyq qyzmetshilerge shyn kóńilden alǵys aıtqym keledi. Keshe Qazaqstanda eki adam koronavırýstan emdelgeni týraly jańalyq oqydym. Qazaqstandaǵy jáne álemdegi barlyq dárigerlerge basymdy ıemin», - dep jazdy Dımash Qudaıbergen Instagram paraqshasyna .

Sondaı-aq, ol medıtsına qyzmetshileriniń eńbegi úlken qurmetke laıyq ekeni týraly jazdy.

«Ánshiler men kıno juldyzdary árdaıym qoshemetke ıe bolady, biraq meniń kózqarasym boıynsha – dárigerler odan da zor qurmetke laıyqty. Elimizdegi barlyq dárigerdiń jalaqysy kóterilse jaqsy bolar ed», - dep jazdy ol.