Dımash Qudaıbergen alǵash ret Germanııada kontsert ótkizdi

NUR-SULTAN. QazAqparat - Dımash Qudaıbergen alǵash ret Germanııada kontsert ótkizip, Dıýsseldorf qalasyndaǵy ISS Dome arenasynda qazaqtyń áni áýeledi, dep habarlaıdy QazAqparat dimashnews.com saıtyna silteme jasap.

Qazaqstan ánshisiniń keremet shoýyn tamashalaý úshin kórermen Eýrazııa, Amerıka, Afrıka, Avstralııa, bir sózben dúnıeniń tórtburyshynan jınaldy. Dımash tyńdarmanyna pandemııaǵa deıin bastalǵan «ARNAU» týrynyń jańartylǵan baǵdarlamasyn usyndy.

Ol ádettegideı birneshe tilde án oryndady. Aǵylshyn, ıtalıan, frantsýz, orys, qytaı tilderindegi týyndylardyń árqaısysynyń ánshi shyǵarmashylyǵynda óz orny bar. Degenmen, kontsert baǵdarlamasynyń basym bóliginde ana tilinde aıtty.

«Álemde birlik bolsyn» jáne «Men seni súıemin» ánderin jınalǵandar qosyla shyrqady. Ónerpazdy sahnadan jibermeı, «Mahabbat ber maǵan» jáne «Daıdıdaý» qaıyrmalaryn birneshe márte qaıtalady.

Al, kontsert sońynda Dımash kóp uzamaı Pragada kezdesýge ýáde berdi.

Eske salsaq, Japonııanyń eń iri ýnıversıteti oqý baǵdarlamasyna Dımash Qudaıbergenniń ánderin engizgen edi.