Dımash Qudaıbergen Aqtóbeniń ortalyq stadıonynda beınebaıan túsirip jatyr
AQTÓBE. KAZINFORM - Ortalyq stadıonǵa jastar, jankúıerler jınaldy. 12 800 oryndyq stadıon «Aqerke» ánin oryndady.
Aqtóbedegi Qobylandy batyr atyndaǵy ortalyq stadıonǵa joǵary oqý oryndarynyń stýdentteri, oqýshylar men jankúıerler jınalyp jatyr. Adamdar tústen bastap kelip, aldyn ala oryn aldy. Qandaı da irikteý, shekteý bolmaı, alańǵa kelýge múmkindik jasaldy.
Dımash Qudaıbergen Ortalyq stadıonda halyq áni «Aqerkeni» oryndady. Ol aldymen aqtóbelikterge alǵysyn aıtyp, úles qosqany úshin rızashylyǵyn bildirdi.
- Jastar jınalypty. Barlyqtaryńyzdy kórgenime qýanyshtymyn. Men osy sátti asyǵa kúttim. Sizder meniń árdaıym júregimdesińder. Týǵan jerge, kindik qanymyz tamǵan jerge kelip, sizderdiń júzderińizdi kórgenime qýanyshtymyn. Saǵyndym. Aqtóbemiz úshin, Qazaqstanymyz úshin erekshe, búkil álem aldynda uıalmaı kóresetetin klıp bolyp shyǵady degen úmittemin,- dedi ánshi Dımash Qudaıbergen.
Eske salsaq, Dımash Qudaıbergen týǵan jerine ótken aptada keldi. Dımash ózi oqyǵan mektebine baryp, ustazdaryn qýantty. Sondaı-aq Aqtóbede ártistiń ózine arnalǵan aýqymdy LEGO-portretti jasaǵan oqýshylarmen kezdesti.
