Dımash Qudaıbergen Abylaı Tilepbergenniń shyǵarmashylyq keshinde óner kórsetti
ASTANA. KAZINFORM — Almaty Theatre sahnasynda Qurmanǵazy atyndaǵy Qazaq ulttyq halyq aspaptar orkestri uıymdastyrýymen «Qurmet» ordeniniń ıegeri, «Daryn» memlekettik jastar syılyǵynyń laýreaty, kórnekti dırıjer, daryndy kúıshi, orkestrdiń bas dırıjeri Abylaı Tilepbergenniń «SERPІN» atty jeke shyǵarmashylyq kontserti ótti.
Mádenıet jáne aqparat mınıstrliginiń baspasóz qyzmetiniń málimetinshe, keshte Qurmanǵazynyń tókpe kúıleri men Táttimbettiń shertpe dástúrin jańasha paıymda usynyldy.
Abylaı Tilepbergenniń jeke oryndaýyndaǵy jáne ulttyq orkestrmen birlesken shyǵarmalary kórermen kóńilinen shyqty. Ulttyq mýzyka óneriniń altyn qoryna engen tańdaýly kúıler men orkestrlik óńdeýdegi týyndylar tyń ınterpretatsııada oryndaldy.
Kontsertke Qazaqstannyń Halyq ártisi Dımash Qudaıbergen arnaıy qonaqtardyń qatarynda boldy. Olar bir sahnada óner kórsetip, jan tebirenter kúılerdi birge oryndady.
Іs-sharada QR Eńbek sińirgen qaıratkeri, sazger Renat Gaısın, Abaı atyndaǵy Qazaq ulttyq opera jáne balet teatry solısteri men Memlekettik «Saltanat» bı ansambli ártisteri jáne dombyrashylar toby óner kórsetti.
Buǵan deıin Dımash Qudaıbergen Almatydaǵy mýzeıge atasynyń dombyrasyn syıǵa tartqanyn jazǵanbyz.
