Dımash qytaılyq mıfologııalyq kórkem fılmdi dýblıajdady

Qytaıdyń China Media Group Ortalyq radıosy men telearnasy «Weibo» áleýmettik jelisinde (Facebook-tiń qytaısha nusqasy) tanymal qazaqstandyq ánshi Dımash Qudaıbergen dýblıajdaǵan mıfologııalyq kórkem fılmdi jarııalady, dep habarlady Kazinform.

«Ǵajaıyp Shyn-nýń» dep atalatyn fılmde qytaı mıfologııasyndaǵy «Shyn-nýń» degen uly tulǵanyń tarıhy baıandalady. 

Qytaı mıfteri men ańyzdaryna qaraǵanda, «Shyn-nýń» adamdarǵa bıdaı ósirýdi, kıim tigýdi, shópten dári jasaýdy úıretti. Ol – qytaı mıfologııasyndaǵy adamzat balasy órkenıetiniń damýyna baǵyt-baǵdar bergen sıqyrly tulǵa. 

Qytaıdaǵy aqparat quraldarynyń habarlaýynsha, fılmdi qazaq tilinde dýblıajdaý úshin qazaqstandyq ánshi Dımash Qudaıbergendi arnaıy shaqyrtqan.