Dımash Haınan aralyndaǵy Halyqaralyq kınofestıvalde óner kórsetti

16 jeltoqsanda Qytaıdyń Haınan aralynda Besinshi halyqaralyq kınofestıval ashyldy, dep habarlaıdy Kazinform dimashnews saıtyna silteme jasap.

Ońtústik Qytaı teńiziniń tańǵajaıyp jaǵalaýynda Sanıadaǵy Shangrı-La kýrortynda tanymal kınorejısserler, akterler men mýzykanttar jınaldy.

Dımash Qudaıbergen ashylý saltanatynda ıtalıandyq rejısser Perdjýzeppe Zaııdiń «Creators: The Past» kórkem fılminiń basty taqyryby – «Across Endless Dimensions» kompozıtsııasymen óner kórsetti.

Sondaı-aq, áıgili qytaılyq aktrısa jáne ánshi Loý Isıaomen (Loura) birge kınofestıval sahnasynda Qytaıdaǵy eń tanymal ánderdiń biri – «Jasmın» oryndaldy.

Dımash alǵash ret 2018 jyly Haınan aralyndaǵy kınofestıvalge qatysyp, álemge áıgili «My Heart Will Go On» kompozıtsııasyn – «Tıtanık» kınofılminiń saýndtregin oryndady.