Dımash Frantsııa astanasyna bardy

ASTANA.QazAqparat - Qazaqstandyq ánshi Dımash Qudaıbergen qytaıdyń Gýanchjoý qalasynan Frantsııa astanasy Parıj qalasyna bardy, dep habarlaıdy QazaAqparat tilshisi.

Aıta keteıik, Dımash 14 mamyr kúni qytaıdyń Gýanchjoý qalasynda Tencent vıdeo hostınginiń «Live Music» án keshinde qazaqtyń «Daıdıdaý» jáne qytaı tilinde «Memories That Can't Take Away» ánin oryndady.

 

Án keshine qytaıdaǵy eń tanymal ánshiler óner kórsetti. Dımashtyń jankúıerleri ánshini erekshe qarsy aldy. Al sol kúngi qytaıdaǵy analar merekesine baılanysty Dımash sahnada óz anasyna arnap «Ana» atty ándi oryndady.

Buǵan deıin habarlaǵanymyzdaı, 19 mamyr kúni Kann kınofestıvali aıasynda Frantsııanyń Ulttyq  kınematografııa ortalyǵynyń alańynda Qazaqstan pavılonynyń ashylýyna oraı resmı qabyldaý sharasy ótpek. Baǵdarlamada kameralyq ishekti ansambldiń súıemeldeýimen Aıman Musaqojaeva men Dımash Qudaıbergen óner kórsetedi.