Dımash «Eýrazııa» kınofestıvaline qatysý úshin Astanaǵa oraldy

ASTANA. QazAqparat - Qazaqstandyq tanymal ánshi Dımash Qudaıbergen Qytaıdaǵy saparyn aıaqtap Astanaǵa qaıtyp keldi, dep habarlaıdy QazAqparat.

Dımash 21 shilde Beıjińnen Almatyǵa ushyp keldi. Ánshi búgin Astana qalasynda ótetin  XIII Halyqaralyq «Eýrazııa» kınofestıvaline qatysý úshin elordaǵa oraldy.

Bul týraly ánshi óziniń Instagramdaǵy paraqshasynda «Týǵan jerge aman-esen jettim! Buıyrsa erteń Astanada halyqaralyq «Eýrazııa» kınofestıvalinde kezdeskenshe, dostar!», -  dep jazdy.

Kóptegen jankúıerleri áýejaıǵa aldyn-ala jınalyp, ánshini qazaqtyń dástúrimen shashý shashyp, qoshamettep qarsy aldy.

Aıta keteıik, Dımash 19 shilde kúni Qytaıdyń  Gýanchjoý qalasyndaǵy Asian Music GaLa sharasynda«Eń tanymal shet eldiń ánshisi» , 20 shilde kúni Shenchjen qalasynda 2017 MTV Music awards sharasynda «Azııanyń eń tanymal sheteldik ánshisi» nomınatsııasy boıynsha marapattaldy.