Dımash DIMENSIONS jobasynyń ekinshi taraýyn usyndy
ASTANA. KAZINFORM – Dımash óziniń DIMENSIONS álemdik týrynyń ekinshi taraýyn – naqty jáne tsıfrlyq óner arasyndaǵy shekaralardy buzý týraly kórneki oqıǵany usyndy. Bul týraly dimashnews.com jazdy.
Ekinshi taraý | Shekaralardy buzyp..
3D-pıksel fragmentteri ártúrli ólshemderden qurastyrylǵandaı áser qaldyratyn keńistik qalyptastyrady. Bólshekter ekran shekarasynan asyp shyǵyp, shynaıy jáne tsıfrlyq pishinder ózara astasady. Osylaısha, naqty álem men vırtýaldy keńistiktiń, klassıkalyq vokaldyq óner men avangardtyń arasyndaǵy shekaralar joıylady. DIMENSIONS — qalyptasqan ólshemder sheńberinen shyǵatyn ónerdiń kórinisi.
Dımash sheksiz ydyrap, qaıtadan tutasyp otyratyn fragmentter qorshaýynda, bylǵarydan tigilgen tehvır stılindegi beınede kórinis tabady. Bul — álem oǵan bir kezderi tańǵan jalǵyz belgiden arylyp, ózindik bolmysyn qaıta tanytqan adamnyń beınesi. Jalpy alǵanda, osy tsıfrlyq vızýaldy til onyń san alýan baǵyttardy boıyna sińirgen ári ár túrli sıpatqa ıe bola alatyn mýzykalyq bolmysyn aıqyn ańǵartady.
Óz óneriniń shekarasyn keńeıte otyryp, ol ánge degen mahabbatyna adal bolyp qala beredi. Árbir jańa shyǵarmashylyq izdenisi osy taza ári shynaıy qushtarlyqtan bastaý alady.
Dımash buǵan deıin álemdik týrdyń alǵashqy taraýynyń kontseptsııasyn tanystyrǵan edi.
