Dımash búgingi jekpe-jeginen keıin Golovkınniń qolyn alyp, qoldaý bildirdi
«Biz úshin sen chempıonsyń jáne chempıon bolyp qala beresiń!!! Alǵa Qazaqstan!» - dep jazdy ánshi Instagram jelisindegi resmı paraqshasynda.
Bir-birine zor qurmet kórsetken Qazaqstannyń qos juldyzyna jeli qoldanýshylary da izgi tilekterin jaýdyrdy.
Buǵan deıin habarlaǵanymyzdaı, Gennadıı Golovkınniń arnaıy shaqyrtýymen Dımash Qudaıbergen GGG-Canelo úshinshi jekpe-jegi aldynda Memlekettik ánuranymyzdy oryndap, sportshyǵa qoldaý kórsetken edi.
Sondaı-aq, ánshi jerlesimizdiń jeńisine senim bildirgen bolatyn.
Alaıda, 12 raýndtyq boks jekpe-jegi tóreshilerdiń sheshimi boıynsha meksıkalyq Saýl Alvarestiń paıdasyna sheshildi .
Kásipqoı mansabyndaǵy eń qaýipti qarsylasy Saýl Alvaresten ekinshi ret jeńilis tapqanyna, jasynyń 40-ta bolǵanyna qaramastan, Gennadıı Golovkın kásipqoı bokstan áli ketpeıtinin málimdedi.
