Dımash Bıbigúl Tólegenova atyndaǵy kreatıvti mekteptiń ashylýyna qatysty
ASTANA. KAZINFORM – 2024 jyly 1 qyrkúıekte Astana qalasynda Qazaq vokal óneriniń negizin qalaýshylardyń biri, uly ánshi jáne halyq ártisi Bıbigúl Ahmetqyzy Tólegenova atyndaǵy alǵashqy jeke kreatıvti mekteptiń ashylýy ótti. Bul týraly Dimashnews saıty jazdy.
Mekteptiń ashylý saltanatyna Qazaqstan Respýblıkasynyń Halyq ártisi jáne opera ánshisi Bıbigúl Tólegenova, mekteptiń bas quryltaıshysy jáne Forbes Kazakhstan baspageri Armanjan Baıtasov, sondaı-aq, Qazaqstan Respýblıkasynyń Halyq ártisi Dımash Qudaıbergen qatysty.
Bıbigúl Tólegenova atyndaǵy shyǵarmashylyq mektebi (BTCS) – ınnovatsııalyq bilim berý tujyrymdamasyn usynatyn zamanaýı bilim berý ortalyǵy. Munda balalar negizgi bilim alatyn pándermen qatar kreatıvti fakýltetterde ózderiniń shyǵarmashylyq talanttaryn damyta alady.
Ár túrli mýzykalyq janrlardy, mýzyka teorııasy men oryndaýshylyq ónerdi zertteý Music fakýlteti aıasynda ótedi.
Digital fakýlteti baǵdarlamalaýdy, veb-ázirleýdi, jasandy ıntellekt pen kıberqaýipsizdik salasyndaǵy ártúrli ozyq tehnologııalardy úıretedi.
Beıneleý óneri, grafıkalyq jáne arhıtektýralyq dızaın arqyly balalardyń shyǵarmashylyq oılaýyn damytýǵa arnalǵan arnaıy Art fakýlteti synyby bar.
STEM fakýlteti Fızıka, Hımııa, bıologııa, ınjenerııa jáne robototehnıka baǵdarlamalaryn qamtıdy.
Dımash Qudaıbergen men Armanjan Baıtasov bolashaq oqýshylardy Bilim kúnimen quttyqtap, jańa urpaqtyń jańa Qazaqstannyń damýyna zor úles qosatynyna senim bildirdi.
